Mánudaginn 11. mars 2024 var haldinn fundur í stjórn Strætó bs. og hófst hann kl. 08:00.
Mætt voru:
- Andri Steinn Hilmarsson (ASH)
- Lovísa Jónsdóttir (LJ)
- Kristín Thoroddsen (KT)
- Hrannar Bragi Eyjólfsson (EBH)
- Alexandra Briem (AB)
Fundinn sat einnig Jóhannes S. Rúnarsson (JSR), framkvæmdastjóri sem ritaði fundargerð.
1. Útboð á akstri - staðan
Páll Björgvin Guðmundsson, framkvæmdastjóri SSH og Birgir B. Sigurjónsson ráðgjafi SSH, komu á fundinn og fóru yfir viðræður við ríkið varðandi rekstrarframlag og orkuskiptaframlag til almenningssamgangna og áhrif útboðs á akstri á þær. Ríkið leggur mikla áherslu á að sveitarfélögin stuðli að orkuskiptum í því útboði.
Sigurður G. Jónsson, ráðgjafi frá Cowi og Guðmundur Siemsen, lögmaður sátu fundinn undir þessum lið og var farið var yfir stöðuna og í framhaldinu ákveðið að óska eftir eigendafundi Strætó við stjórn SSH, þar sem ræða þarf atriði sem tengjast fjármögnun og orkuskiptum. Stjórn heimilaði framkvæmdastjóra að halda viðræðum áfram við bjóðendur í samræmi við umræður á fundinum og framlagt minnisblað frá stjórnarfundi þann 8. mars 2024, merkt trúnaðarmál.
Önnur mál
Fleira ekki rætt, fundi slitið kl. 9:15.