Fundargerð nr. 376

Mætt voru: 

• Magnús Örn Guðmundsson (MÖG)
• Alexandra Briem (AB)
• Hrannar Bragi Eyjólfsson (HBE)
• Andri Steinn Hilmarsson (ASH)
• Lovísa Jónsdóttir (LJ)
• Kristín Thoroddsen (KT)

Fundinn sátu einnig Jóhannes S. Rúnarsson (JSR), framkvæmdastjóri, sem ritaði fundargerð og Elísa Kristmannsdóttir.

Framkvæmdastjóri og Elísa Kristmannsdóttir, fjármálastjóri fóru yfir fjárhagsáætlun fyrir árið 2024 til 2028. Farið var yfir helstu aðgerðir í markaðs- og sölumálum á næsta ári, en tekjuáætlun ársins 2024 er metnaðarfull og mikilvægt að öll sveitarfélög sem standa að Strætó styðji við eflingu almenningssamgangna og hvetji til aukinnar notkunar á þeim. Á árinu 2028 er gert ráð fyrir að byrjað verði að greiða af græna láninu sem tekið var á árinu 2022 til að fjárfesta í umhverfisvænum vögnum. Stjórn Strætó leggur áherslu á að unnið verði í því að fjárhagsskipun Strætó til framtíðar verði leyst sem allra fyrsta.

Áframhaldandi umræður um útboð á akstri. Á fundinn gegnum fjarfundabúnað kom Sigurður Guðjón, ráðgjafi frá Mannviti, sem sá um framkvæmd og undirbúning útboðsins. Farið var yfir stöðuna og ákveðið að halda aukafund til að ræða málin frekar og fá Guðmund Siemsen, lögfræðing til að reifa stöðuna og svara spurningum.

Framkvæmdastjóri fór yfir stöðuna á viðræðum við Sameyki, stefnt er að því að gera skammtímasamning til 31. mars 2024.

Fleira ekki rætt, fundi slitið kl. 9:30.