Fundargerð nr. 361

Mætt voru: 

• Magnús Örn Guðmundsson (MÖG)
• Alexandra Briem (AB)
• Hrannar Bragi Eyjólfsson (HBE)
• Andri Steinn Hilmarsson (ASH)
• Lovísa Jónsdóttir (LJ)
• Kristín Thoroddsen (KT)

Fundinn sátu einnig Jóhannes S. Rúnarsson (JSR), framkvæmdastjóri, sem ritaði fundargerð, Sigríður Harðardóttir (SH), sviðsstjóri mannauðs- og gæðasviðs og Elísa Kristmannsdóttir, fjármálastjóri Strætó.

Fyrir fundinum lá vinnuskjal um fjárhagsáætlun Strætó 2023 til 2027. Stillt er upp 2 sviðsmyndum með mismunandi mikilli hækkun á framlagi eigenda Strætó. Sviðsmynd 1 er framlag skv. útkomuspá hækkað um hækkun strætóvísitölu skv. þjóðhagsspá frá júní 2022. Niðurstaða er að handbært fé verður neikvætt á fyrri hluta árs. Sviðsmynd 2 er framlag skv. útkomuspá hækkað um helming af aukaframlagi ársins 2022. Niðurstaða er að handbært fé verður jákvætt út árið, en ekki verður fjárfest í nýjum vögnum umfram eftirstöðva græns láns sem eru um 100 m.kr.

Stjórn leggur áherslu á að áætlun sé með jákvætt eigið og að ofangreind sviðsmynd 2 sé  lágmarksáætlun þar sem því viðmiði er ekki náð. Í henni er ekkert svigrúm til að bregðast við áföllum, greiða skuldir eða endurnýja búnað, hvað þá fara í orkuskipti eða umbætur á þjónustu. Niðurstaðan sýnir nauðsyn þess að fá aukin framlög til að tryggja rekstur Strætó til framtíðar. Skv. úttekt KPMG á fjárþörf Strætó vantar um 1,5 milljarð króna inn í reksturinn þannig að hann verði sjálfbær til framtíðar. Stjórn felur framkvæmdastjóra að stilla upp sviðsmynd með tvöföldu framlagi frá 2023 og senda á sveitarfélögin og leggja fyrir eigendafund Strætó.

Þá var rætt var um útvistun á akstri og nauðsyn þess í ljósi fjárhagsstöðu Strætó að taka þau mál til alvarlegrar skoðunar og fól framkvæmdastjóra að vinna að tillögu í samræmi við umræður á fundinum.

Framkvæmdastjóra var þá falið að koma með tillögu og útfærslu að fargjaldastefnu Strætó.

Stjórn fól framkvæmdastjóra að boða til eigendafundar þar sem ræða á fjárhagsáætlun Strætó.

Lagt fram trúnaðarmerkt skjal frá lögmanni félagsins. Stjórn samþykkti að fela lögmanni Strætó að ganga frá málinu.

Á stjórnarfundi þann 4. júlí 2022 samþykkt stjórn að fara í tilraunaverkefnin með næturstrætó til loka september 2022. Lagt var fram greining á notkun og kostnaði og er notkun undir væntingum. Í ljósi þess og fjárhagsstöðu Strætó samþykkir stjórn það sé ekki réttlætanlegt að halda áfram með næturstrætó og verður sú þjónusta hætt frá og með  16. október 2022.

• Lagt var fram drög að svarbréfi til umboðsmanns barna. Stjórn felur framkvæmdastjóra að svara erindinu í samræmi við umræður á fundinum.

Fundi slitið kl. 8:40.