Breytingar á leiðakerfi í janúar 2022

Leið 25 kemur ný inn í leiðakerfi Strætó frá og með 2. janúar 2022. Leiðin mun aka á milli nýja hverfisins í Gufunesi og Spangar. Leiðin verður í pöntunarþjónustu, sem þýðir að að viðskiptavinir panta ferð með því að hringja í Hreyfil í síma 588 5522, minnst 30 mínútum fyrir áætlaða brottför skv. tímatöflu.

Frá og með mánudeginum 3. janúar 2022 mun rekstur Strætisvagna Austurlands færast frá Austurbrú og yfir til Vegagerðarinnar. Almenningssamgöngur á Austfjörðum verða því formlega hluti af leiðaneti Strætó á landsbyggðinni.

Akstursleiðirnar munu ekki breytast en leiðirnar munu fá ný leiðanúmer og nýjar tímatöflur. Til að byrja með verður gjaldskráin á Austfjörðum sú sama og hún var hjá Austurbrú.